गेल्या तीन ते चार दिवसांपासूनपुणे शहरातमध्यम ते मुसळधार पाऊस पडत आहे. गेल्या चार दिवसांत पडलेल्या ३१५ मिमी पावसामुळे शहराने याआधीच आपल्या मासिक सरासरीचे १८७. २ मिमी पावसाचे लक्ष्य पार केले आहे. तथापि, १९०७ सालच्या जुलै महिन्यात पडलेल्या ५०८.५ मिमी पावसाचा विक्रम मोडण्यास आत्ताची पावसाची आकडेवारी खूपच कमी आहे.
गेल्या २४ तासात सोमवार सकाळी ८:३० पासून पुण्यात ३४.६ मिमी इतका पाऊस झाला.मध्य महाराष्ट्रातीलकोल्हापूर, सातारा, नाशिक आणि जळगाव या शहरातही मुसळधार पाऊस झाला आहे.
स्कायमेटनुसार, आजही पुण्यात गडगडाटासह जोरदार पावसाची शक्यता आहे. उद्यापर्यंत, पुण्यासह मध्य महाराष्ट्रात पावसाचा जोर कमी होईल मात्र मध्यम पावसाच्या काही सरींची शक्यता नाकारता येत नाही.
येत्या ३ ते ४ ऑगस्ट दरम्यान पश्चिम किनारपट्टीवरील नव्या मान्सून लाटेमुळे पुण्यासह मध्य महाराष्ट्रातील अनेक ठिकाणी चांगला पाऊस पडेल.
दरम्यान, पुढच्या आठवड्यात आणि त्यानंतरही वातावरण आल्हाददायक राहील आणि अधूनमधून पडणाऱ्या पावसामुळे हवामान पूर्णपणे कोरडे होणार नाही. संपूर्ण आठवडाभर आकाश अंशतः किंवा पूर्णपणे ढगाळ राहील.
प्रतिमा क्रेडीट: मुंबई लाइव
येथून घेतलेली कोणतीही माहितीचा क्रेडिट skymetweather.com ला द्यावे
