अतिवृष्टीनंतर मान्सून कोकण आणि गोवा, मध्य महाराष्ट्र आणि विदर्भातील हवामान विभागांवर सौम्य होण्याची शक्यता आहे.
मराठवाड्याला सोडून, संपूर्ण महाराष्ट्र राज्यात गेल्या बर्‍याच दिवसांपासून चांगला पाऊस पडत आहे.
गेल्या २४ तासांत मुंबईसह कोकण आणि गोव्यातही मध्यम ते जोरदार पाऊस झाला. दरम्यान, विदर्भाच्या काही भागांत हलका ते मध्यम पाऊस पडला.
औरंगाबादमध्ये त्याच काळात १० मि.मी. पाऊस पडला असला तरी संपूर्ण मराठवाड्यात मान्सून अजूनही कमजोर आहे. उदाहरणार्थ, परभणीत साधारण २४ तासांत ५ मिमी पाऊस पडण्याऐवजी केवळ ३ मिमी पाऊस पडला आहे.
आमच्या हवामानशास्त्रज्ञांच्या मते पुढील दोन ते तीन दिवस मुंबईसह कोकण आणि गोव्यात पावसाचा जोर कमी होईल आणि येथे काही मध्यम सरींसह हलका पाऊस पडण्याची शक्यता आहे. विदर्भातही अशीच स्थिती असण्याची शक्यता आहे. त्याचप्रमाणे मध्य महाराष्ट्र आणि मराठवाड्यातही पावसाच्या गतिविधींमध्ये घट होणार आहे.
पुणे, नाशिक येथे हलक्या सरी बरसतील, तर नागपूरमध्ये मध्यम ते मुसळधार पाऊस पडण्याची शक्यता आहे. सिंधुदुर्ग, रत्नागिरी, अलिबाग आणि महाबळेश्वर अशा इतर ठिकाणी पुढील ४८ तासांत चांगला पाऊस पडण्याची शक्यता आहे.
कोकण आणि गोवा येथे १३ किंवा १४ सप्टेंबरच्या सुमारास मान्सूनची लाट पुन्हा एकदा सक्रिय होईल, परंतु त्या काळातही पाऊस फारसा जास्त होणार नाही, तरीही एक किंवा दोन जोरदार सरींची शक्यता नाकारता येत नाही.
Image Credits – Whatshot
Any information taken from here should be credited to Skymet Weather
