यापावसाचे मुख्य श्रेय राज्यावर आणि आसपासच्या प्रदेशावर असलेल्या हवामान प्रणालीस दिले जाऊ शकते. प्रामुख्याने एक कमी दाबाचा पट्टा कोमोरिन ते दक्षिण कोकण आणि गोव्यापर्यंत विस्तारलेला असून, छत्तीसगढ व शेजारच्या भागांवर देखील एक चक्रवाती क्षेत्र उपस्थित आहे. याशिवाय, पूर्व-आग्नेय दिशांमधून दमट वारे मराठवाडा आणि दक्षिण मध्य-महाराष्ट्रात आर्द्रता आणत आहेत.
[yuzo_related]
स्कायमेट हवामानतज्ञांच्या अनुसार पुढील २४ तासांत मराठवाडा, दक्षिण मध्य महाराष्ट्र आणि कोकण व गोवा या भागात गडगडाटासह हलक्या सरींची शक्यता आहे. त्यानंतर, मात्र हवामान पुन्हा कोरडे राहील. पुण्यात देखील तुरळक ठिकाणी हलक्या स्वरूपाच्या पावसाची नोंद होऊ शकते, तर नाशिक, पुणे, नागपूर आणि औरंगाबाद येथे मात्र वातावरण कोरडेच राहील. तसेच, मुंबईत देखील हवामान कोरडेच राहण्याची अपेक्षा आहे.
Click here to check the Live Lightning and Thunderstorm status over Maharashtra
सामान्यत: वर्षाच्या शेवटी, महाराष्ट्रातील हवामान मुख्यतः कोरडेच राहते, मात्र जेव्हा एखादा सक्रिय हवामान प्रणाली, उदा. बंगालच्या उपसागरात कमी दाबाचे क्षेत्र विकसित होवून पश्चिमेच्या दिशेने प्रवास करते, तेव्हा मात्र राज्याच्या अंतर्गत भागांवर काही ठिकाणी पावसाची शक्यता निर्माण होते. त्याचप्रमाणे जेव्हा महाराष्ट्रातील किनारपट्टीलगत चक्रवाती क्षेत्र निर्माण होते त्यामुळे देखील कोकण व गोव्यात पाऊस होतो.
सद्य हवामानाची परिस्थिती पाहता वर उल्लेखलेल्या दोन्हीपैकी एकही क्षेत्रात कोणतीही लक्षणीय हवामान प्रणालीची अपेक्षा नाही. त्यामुळे, येत्या काही दिवसांत राज्यात पावसाची शक्यता नाही म्हणणेच योग्य राहील.
Image Credit: Trek Earth
येथून घेतलेल्या कोणत्याही माहितीकरिता skymetweather.com चा संदर्भ देणे अनिवार्य आहे