मुंबई आणि उपनगराच्या विविध भागात वेगळ्या- वेगळ्या तीव्रतेसह पाऊस झाला आहे. एकीकडे सांताक्रूझमध्ये फक्त ३ मिमी पाऊस पडला, तर दुसरीकडे कुलाबात गुरुवारी सकाळी साडेआठपासून २४ तासांच्या कालावधीत ८१ मिमी दमदार पाऊस झाला.
पालघर आणि आसपासच्या उत्तरेकडील भागातही मुसळधार पाऊस झाला आहे. त्याचप्रमाणे, मुंबईच्या पूर्व उपनगरामध्ये त्याच काळात मध्यम-तीव्रतेचा चांगला पाऊस पडला आहे.
स्कायमेटच्या हवामानशास्त्रज्ञांच्या म्हणण्यानुसार, उत्तर मध्य महाराष्ट्रातील चक्रवाती परिस्थिती दक्षिण गुजरात किनाऱ्यापासून पूर्व अरबी समुद्राकडे आणखी पुढे गेली आहे. ही प्रणाली कमी-दाबाच्या क्षेत्रामध्ये आणि नंतर डिप्रेशन मध्ये तीव्र होण्याची शक्यता असली तरी ती पश्चिम किनाऱ्यापासून आपला प्रवास सुरूच ठेवेल, अशा प्रकारे ती भारतीय किनाऱ्यापासून दूर जाईल.
ही व्यवस्था दूर गेल्याने मुंबई व उपनगरामध्ये मुसळधार पावसाचा धोका नाकारला जात आहे, परंतु मान्सूनची लाट अजूनही सक्रिय असल्याने आम्ही सांताक्रूझ आणि मुंबईच्या पश्चिम उपनगरामध्ये आज दुपारपर्यंत काही जोरदार सरींची अपेक्षा करतो. यामुळे शहरातील काही भागात पाणी साचू शकते. दरम्यान, पूर्व उपनगरीत विखुरलेला पाऊस पडू शकतो.
आकाशातील परिस्थिती अंशतः ढगाळ असेल. शिवाय, तापमानात लक्षणीय वाढ होईल.
Image Credits – National Herald
Any information taken from here should be credited to Skymet Weather
