बंगालच्या उपसागरात व त्यालगतच्या प्रदेशात असलेले कमी दाबाचे क्षेत्र आता वायव्येकडे सरकले असून ओडिसाच्या वर आहे. येत्या २४ तासांत ही प्रणाली छत्तीसगड आणि पूर्व मध्य प्रदेशच्या दिशेने सरकण्याची शक्यता आहे. ज्यामुळे या प्रणालीचा मध्य प्रदेश आणि त्याच्या आसपासच्या भागांवर परिणाम होईल. ही प्रणाली मान्सून ट्रफमध्ये विलीन होण्याची शक्यता आहे.
आगामी प्रणाली शक्तिशाली आहे जी पुन्हा त्याच मार्गाचा अवलंब करेल आणि व्यापक पाऊस देईल. ही प्रणाली प्रत्यक्षात प्रशांत महासागरात असलेल्या वादळ पोडुलचे उरलेला भाग असून १ सप्टेंबरच्या सुमारास उत्तर बंगालच्या उपसागरामध्ये कमी दाबाचे क्षेत्र म्हणून उदयास येईल.
या प्रणालीचा ओडिसा, छत्तीसगड आणि मध्य प्रदेशातील मोठ्या भागात परिणाम होण्याची शक्यता आहे. या प्रणालीच्या परिघामधील प्रदेशांमध्येही चांगला पाऊस पडेल.
पूर्वीची प्रणाली मान्सून ट्रफमध्ये विलीन होण्यापूर्वीच कमकुवत होईल आणि कदाचित आपले सामर्थ्य गमावेल. तथापि, या प्रणालीचे अवशेष त्याच्या सभोवतालच्या काही भागांना प्रभावित करत राहतील. बहुधा ही प्रणाली मान्सून ट्रफसमवेत चक्रीवादळ अभिसरण म्हणून पाहिली जाऊ शकते ज्याचा परिणाम पुढील दोन दिवस उत्तर-पश्चिम मध्य प्रदेश, उत्तर राजस्थान आणि आसपासच्या प्रदेशांवर होईल.
त्यानंतर, बंगालच्या उपसागरात तयार होणारी प्रणाली व्यापक आणि दमदार पावसाळी गतिविधी देईल. प्रणालीच्या स्थापनेनंतर आणि अंतर्देशीय हालचाल झाल्यानंतर, या प्रणालीचे आयुष्य सुमारे पाच दिवस असेल.
ही प्रणाली ६ आणि ७ सप्टेंबरच्या दरम्यान दिल्ली आणि एनसीआरमध्ये मान्सूनचा पाऊस देण्याची शक्यता आहे. तसेच, ही प्रणाली त्याच मार्गाने जात असून उत्तर मध्य प्रदेश, उत्तर राजस्थान पर्यंत जाईल.
देशाच्या वायव्य भागातून मान्सून परतण्याची वेळ जवळ येत आहे. परतीच्या प्रवासाची तारीख जवळ आली की मान्सून ट्रफचा अक्ष कमकुवत होतो. १५ सप्टेंबरनंतर दिल्लीसह देशाच्या वायव्य भागावर परिणाम करणारी कोणत्याही प्रणालीची शक्यता नाही. अशा प्रकारे आपण असे म्हणू शकतो की मान्सून परतीचा प्रवास सुरु करण्यापूर्वी देशाच्या मैदानी भागांवर परिणाम करणारी ही बहुधा शेवटची हवामान प्रणाली असेल.
Image Credits – The Indian Express
Any information taken from here should be credited to Skymet Weather
