कर्नाटक आणि महाराष्ट्र सीमेजवळ सतत पडलेल्या जोरदार पावसामुळे दरड कोसळल्यानेराष्ट्रीय महामार्ग ४चे मोठे नुकसान झाले आहे. कोल्हापूर जवळील शिरोळी येथे रस्ता खराब झालेला आहे. वास्तविक कोल्हापुरामध्ये गेले तीन दिवस जोरदार पाऊस पडत आहे. दरड कोसळण्यामुळे ठिकठिकाणी रस्ता खचला असून वाहतुकीवर परिणाम होत आहे.
कोल्हापूरमध्ये ४ ऑगस्ट रोजी ५१ मिमी, तर ५ ऑगस्ट रोजी १०२ मिमी पावसाची नोंद झाली. तर गेल्या २४ तासांत १२८ मिमी इतक्या दमदार पावसाची नोंद झाली आहे. या संततधार पावसामुळे परिस्थिती आणखी बिकट होण्याची शक्यता आहे. तसेच सातारा जिल्ह्यांमध्ये ऑगस्ट महिन्याच्या सुरूवातीपासूनच जोरदार पाऊस पडत आहे. येथे गेल्या २४ तासांत ५२ मिमी तर ४ ऑगस्ट रोजी ८५ मिमी पावसाची नोंद झाली. उत्तर कर्नाटकमधील धारवाड येथे ७४ मिमी इतका मुसळधार पाऊस पडला आहे.
दररोजकोल्हापूरमार्गे बेळगाव ते पुणेजाणाऱ्या हजारो गाड्या या महामार्गावरून धावतात. आता, मान्सूनची लाट कर्नाटकच्या किनारी भागांत सक्रिय असल्याने अजून पुढील २४ ते ४८ तास या भागात पाऊस सुरु राहण्याची शक्यता आहे. त्यानंतर पावसाची तीव्रता कमी होईल.
दरम्यान १ ऑगस्टपासून सुरू झालेल्या मुसळधार पावसाच्या पार्श्वभूमीवर मध्य महाराष्ट्रातील बर्‍याच भागात जोरदार पाऊस पडला ज्यामुळे या भागांत पावसाचे आधिक्य झाले आहे.
Image Credits – WordPress.com
Any information taken from here should be credited to Skymet Weather
