[Marathi] अरबी समुद्रात तीव्र कमी दाबाचा पट्टा तयार झाला असून या वर्षातील दहावे चक्रीवादळ बनण्याची शक्यता

December 9, 2019 4:03 PM|

cyclone

आधीच वर्तविलेल्या अंदाजानुसार, नैऋत्य अरबी समुद्रावरीलकमी दाबाचा पट्ट्याच्या तीव्रतेत वाढ झाली आहे. हि प्रणाली पश्चिम/वायव्य दिशेने १९ किमी प्रतितास वेगाने पुढे सरकत असून सध्या अक्षांश १०.३ अंश उत्तर आणि रेखांश ६० अंश पूर्वेस आहे. येमेन, सॉकोत्रा बेटाच्या अंदाजे ७१० किमी पूर्व-आग्नेय दिशेस आणि केरळच्या कोचीनच्या पश्चिम-वायव्येस १७८० किमी अंतरावर आहे.

स्कायमेटच्या हवामानशास्त्रज्ञांच्या मते, वातावरणातील दोन थरांमधील वाऱ्यांच्या वेगातील कमी तफावत आणि उबदार तापमान असलेली समुद्राची परिस्थिती या प्रणालीच्या अधिक तीव्रतेसाठी अनुकूल आहे. तथापि, ही यंत्रणा तीव्र होऊन चक्रीवादळामध्ये रूपांतरित होते की नाही हे आताच सांगणे फार घाईचे होईल.

आज संध्याकाळपर्यंततीव्र कमी दाबाचा पट्टा पश्चिम-वायव्य दिशेने सरकेल, परंतु नंतर पश्चिम-नैऋत्य दिशेने सोमालियाकडे वळेल.

ही प्रणाली भारतीय किनाऱ्यापासून सुमारे २००० किमी अंतरावर आहे. म्हणूनच, भारतीय मुख्य भूमीवर कोणत्याही मोठ्या हवामानविषयक गतिविधींची अपेक्षा नाही. तथापि, अरबी समुद्रामध्ये लागोपाठ शक्तिशाली प्रणालींच्या निर्मितीमुळे दक्षिण द्वीपकल्पात ईशान्य मॉन्सून कमकुवत झाला आहे. हवामानतज्ञांच्या मते, ही प्रणाली जवळपासच्या प्रदेशातील वाऱ्यांची गतिविधी नियंत्रित करते परिणामी आर्द्र वारे या प्रणालीभोवती केंद्रित होत असून त्यामुळे दक्षिणेकडील प्रदेशातील वातावरण कोरडे होत आहे.

सध्या मॅडन-ज्युलियन ऑसीलेशन ने (एमजेओ) दुसऱ्या चरणात अर्थात नैऋत्य हिंद महासागरात प्रवेश केला आहे, तर हिंद महासागर डायपोल (आयओडी) देखील सकारात्मक आहे. या दोन प्रमुख सागरीय मापदंडांच्या प्राबल्यामुळे, समुद्राच्या पृष्ठभागाचे तापमान सामान्यपेक्षा अधिक उबदार होते, परिणामी लागोपाठ सशक्त हवामान प्रणाली विकसित होतात.

यावर्षी आतापर्यंत अरबी समुद्रात लक्षणीय हवामान प्रणालींची निर्मिती झाली. कमी दाबाच्या पट्ट्याच्या तीव्रतेत आणखी वाढ होऊन चक्रीवादळ बनल्यास २०१९ मध्ये अरबी समुद्रामधील हे सातवे चक्रीवादळ ठरेल. सहाव्या चक्रीवादळ 'पवन' ने एकाच वर्षात सर्वाधिक विकसित होण्याचा सर्वकालिन विक्रम नोंदविला आहे. तर, यामुळे २०१९ मधील भारतीय समुद्रातील चक्रीवादळाची संख्याही दहापर्यंत वाढेल, जे १९७५ नंतर एका वर्षात सर्वाधिक चक्रीवादळ नोंदवणारे वर्ष असेल.

Image Credits – The Economic Times 

Any information taken from here should be credited to Skymet Weather

Similar Articles

thumbnail image
March 20, Today Marks The Spring Equinox: Day-Night Duration Nearly Equal

The official transition from winter to spring, known as the SPRING EQUINOX, occurs today! It’s time when the Sun crosses the celestial equator precisely at 2:31 PM, delivering warmer, longer days to the Northern HemiSphere. As autumn arrives, the South enjoys colder evenings.

posted on:
thumbnail image
आज सूर्य करेगा भूमध्य रेखा पार, बसंत ऋतु की शुरुआत, दिन-रात की अवधि लगभग बराबर

आज, 20 मार्च 2025, बसंत विषुव (Spring Equinox 2025) का दिन है। सूर्य भूमध्य रेखा को पार करेगा, दिन बड़े और गर्म होंगे। उत्तर गोलार्ध में बसंत ऋतु की शुरुआत होगी, दक्षिण गोलार्ध में शरद ऋतु का आगमन होगा। वहीं, सितंबर में यह खगोलीय घटना फिर से होगी।

posted on:
thumbnail image
गर्मी का दायरा बढ़ा! ओडिशा, महाराष्ट्र, तेलंगाना और रायलसीमा में 40°C के पार तापमान, राहत की उम्मीद

देश में समय से पहले गर्मी असर बढ़ रहा है। ओडिशा, महाराष्ट्र, तेलंगाना, आंध्र प्रदेश में अभी तापमान से 40°C से ऊपर पहुंच गया है, जिस कारण इन राज्यों में भीषण गर्मी हो रही है। फरवरी 2025, पिछले 125 वर्षों में सबसे गर्म महीना रहा है। कई जगहों पर सामान्य से 6.4°C तक ज्यादा तापमान रिकॉर्ड हुआ है।

posted on:
thumbnail image
दिल्ली में बढ़ेगी गर्मी! शुष्क और तपता रहेगा वीकेंड, बारिश की संभावना हुई कम

दिल्ली में गर्मी बढ़ रही है, पिछले 3 दिनों में तापमान 4°C बढ़ा है। आज अधिकतम 34-35°C, न्यूनतम 17°C तक रह सकता है। मार्च अब तक लगभग शुष्क बना हुआ है, सिर्फ 2mm बारिश दर्ज हुई है। 26-28 मार्च को तापमान 40°C के करीब पहुंचने की संभावना है। वहीं,पश्चिमी विक्षोभ से मैदानी इलाकों में बारिश की संभावना नहीं है।

posted on: