मागील अनेक दिवसांपासून राज्यात पावसाळी गतिविधी सुरूच आहेत. खरं तर, ऑक्टोबर महिना ज्यामध्ये जास्त पाऊस अनुभवला जात नाही, पण राज्यासाठी हवामान विषयक गतिविधींच्या बाबतीत अपवाद ठरला आहे. या चांगल्या पावसाचे कारण हवामान प्रणालीच्या तीव्रतेत हळूहळू होणाऱ्या वाढीस दिले जाऊ शकते.
सुरुवातीला, दक्षिणपूर्व अरबी समुद्रावर चक्रवाती परिभ्रमण सुरू होते. ईशान्य दिशेने महाराष्ट्र किनाऱ्याकडे सरकत करत असताना ही प्रणाली हळूहळू कमी-दाबाच्या क्षेत्रामध्ये आणि नंतर तीव्र कमी-दाबाच्या क्षेत्रामध्ये रूपांतरित झाली.
या प्रणालीच्या हालचालींमुळे सांगली, सातारा, कोल्हापूर या दक्षिणेकडील जिल्ह्यांमध्ये गडगडाटासह मुसळधार पाऊस व अलीकडेच सोलापुरात चांगला पाऊस पडला. तसेच मराठवाड्यासह कोकण आणि गोव्यातही सरी बरसल्या.
स्कायमेटच्या अंदाजानुसार मध्य महाराष्ट्रात पुढील दोन ते तीन दिवस गडगडाटासह चांगला पाऊस सुरू राहील. विदर्भाच्या काही भागातही अशीच स्थिती राहण्याची अपेक्षा आहे.
दरम्यान २४ ऑक्टोबरपर्यंत महाराष्ट्रातील बहुतांश भागांतून पाऊस ओसरून केवळ दक्षिण मध्य महाराष्ट्रापुरता मर्यादित राहिल.
कर्नाटकच्या किनारपट्टीवर आणखी एक हवामान प्रणाली विकसित होण्याची शक्यता आहे आणि यामुळे दक्षिण कोकण आणि गोवा, विदर्भातील काही भाग आणि दक्षिण मराठवाड्यात २७ ऑक्टोबरच्या सुमारास पावसात वाढ होईल. त्यामुळे ऑक्टोबरच्या उर्वरित दिवसांमध्ये देखील पाऊस सुरूच राहण्याची शक्यता आहे.
Image Credits – Times of India
Any information taken from here should be credited to Skymet Weather