मध्य भारतापासून जर आपण सुरुवात केली तर, कमी-दाबाचा क्षेत्र दक्षिणपूर्व राजस्थान आणि लगतच्या पश्चिम मध्य प्रदेशात आहे. अशा प्रकारे, आम्ही दक्षिणपूर्व राजस्थान आणि पश्चिम मध्य प्रदेशात मध्यम ते मुसळधार पावसाची अपेक्षा करतो. पूर्व आणि ईशान्य मध्य प्रदेशात मध्यम पाऊस पडू शकतो आणि गुजरातमध्ये पावसाची तीव्रता कमी होण्याची शक्यता आहे तथापि मध्यम पाऊस पडत राहील. छत्तीसगड आणि विदर्भ, कोकण आणि गोवाच्या भागांमध्येही विखुरलेला मध्यम पाऊस पडेल. मराठवाडा, मध्य महाराष्ट्र आणि कच्छ क्षेत्रात मान्सून कमकुवत राहील. मुंबई शहरात हलक्या पावसाची शक्यता आहे.
देशाच्या पूर्वेकडील भागात, चक्रवाती परिस्थिती बांगलादेशात आहे आणि पूर्व उत्तर प्रदेशपासून बिहार, झारखंड आणि गंगीय पश्चिम बंगाल पर्येंत विस्तारित आहे. त्यामुळे पश्चिम बंगाल, ओडिशा आणि झारखंडमधील काही भाग तसेच आसाम आणि त्रिपुराच्या काही भागांत एक किंवा दोन मुसळधार सरींसह हलका ते मध्यम पाऊस पडेल. पूर्व उत्तर प्रदेश आणि बिहारमध्ये पाऊस कमी होईल तथापि बिहारच्या पूर्वेकडील भागात एक किंवा दोन मध्यम सरी सुरु राहतील.
Click the image below to see the live lightning and thunderstorm across India
दक्षिण मध्ये, एक ट्रफ रेषा दक्षिण-पूर्व बंगालपासून कोमोरिन भागापर्यंत पसरली आहे. दक्षिण तमिळनाडू आणि केरळमध्ये एक किंवा दोन मुसळधार सरींसह हलका ते मध्यम पाऊस पडण्याची शक्यता आहे. रायलसीमा, तेलंगाणा आणि उत्तर किनारपट्टी आंध्र प्रदेशच्या भागांत विखुरलेला पाऊस पडण्याची शक्यता आहे. कर्नाटकात पाऊस हलका होईल.
उत्तरेकडील उत्तराखंडमध्ये विखुरलेला हलका ते मध्यम पाऊस पडण्याची शक्यता आहे तर पंजाब, हिमाचल प्रदेश, पश्चिम उत्तर प्रदेश आणि दिल्ली-एनसीआरच्या काही भागात एक दोन ठिकाणी पाऊस पडेल. राजस्थानच्या बऱ्याच भागात कोरड्या हवामानाचा अंदाज आहे परंतु पूर्व राजस्थानमध्ये एक दोन ठिकाणी पाऊस पडू शकतो.
Any information taken from here should be credited to skymetweather.com