मध्य भारतात, पूर्व मान्सूनच्या पावसाच्या अनुपस्थितीत, संपूर्ण महाराष्ट्रात हवामान गेल्या अनेक दिवसांपासून गरम राहिले आहे. सध्या उत्तरपश्चिमी दिशेने गरम वारे वाहत आहेत, ज्यामुळे राज्यातील बर्याच भागांमध्ये उष्णतेची लाट अनुभवण्यात येत आहे. विदर्भातील काही भागांमध्ये तीव्र उष्णतेच्या लाटांची स्थिती चालू आहे. चंद्रपूर आणि नागपूर मध्ये कमाल तापमान सामान्यपेक्षा जास्त राहील. नागपूर, चंद्रपूर, अकोला, वर्धा, औरंगाबाद, नांदेड, लातूर आणि मालेगाव या ठिकाणी रहिवाशांना उष्णतेच्या लाटांपासून त्रास होईल. येथे, किमान तापमान सुद्धा ३० अंशाचा वर राहील. दिवस आणि रात्री दोन्ही तापमान सामान्यपेक्षा जास्त नोंदवले जातील आणि रहिवाशांना त्रास सहन करावा लागेल, असे दिसून येत आहे॰
उत्तर भारतात, एक पश्चिमी विक्षोभ उत्तर पाकिस्तान आणि लगतच्या जम्मू काश्मीरवर बनलेला आहे ज्यामुळे जम्मू काश्मीर, हिमाचल प्रदेश आणि उत्तराखंड मध्ये हलक्या पावसाची शक्यता आहे. याशिवाय, एक चक्रवाती परिस्थिती, उत्तर पाकिस्तान आणि लगतच्या उत्तर पश्चिम राजस्थानवर बनलेली आहे. एक ट्रफ रेषा पश्चिम उत्तर प्रदेश पासून उत्तर पूर्व भारता पर्यंत विस्तारलेली आहे, ज्यामुळे राजस्थान मध्ये एक दोन ठिकाणी पावसाची शक्यता आहे. दुसरीकडे हरियाणा, पंजाब, दिल्ली आणि उत्तर प्रदेश मध्ये उष्णतेची लाट अनुभवण्यात येईल.
पूर्व आणि उत्तर पूर्व राज्यात, एक ट्रफ रेषा उत्तर प्रदेश पासून उत्तर पूर्व भारता पर्यंत विस्तारलेली आहे, ज्यामुळे, मेघालय, त्रिपुरा, सिक्कीम आणि पूर्व बिहार व ओडिशा मध्ये पावसाची शक्यता आहे.
Click the image below to see the live lightning and thunderstorm across India
दक्षिण भारतात, एक उत्तर दक्षिण ट्रफ रेषा पूर्व बिहार पासून दक्षिण आंतरिक कर्नाटक पर्यंत विस्तारलेली आहे, ज्यामुळे दक्षिण आंतरिक कर्नाटक, रायलसीमा, केरळ, आंध्र प्रदेश, तेलंगणा, उत्तर आंतरिक कर्नाटक आणि तामिळनाडू मध्ये पावसाची शक्यता आहे. अंदमान व निकोबार द्वीपसमूहवार जोरदार पावसाची शक्यता आहे.
Any information taken from here should be credited to skymetweather.com