पूर्व आणि उत्तर पूर्व राज्यात, एक चक्रवाती परिस्थिती पूर्व बिहारवर बनलेली आहे. एक ट्रफ रेषा मिझोराम पर्यंत विस्तारलेली आहे. याशिवाय, बंगालच्या खाडीपासून उष्ण वारे वाहत आहे, ज्यामुळे, सिक्कीम, पश्चिम बंगालच्या उत्तर भागात व उत्तर पूर्व राज्यात पावसाची शक्यता आहे. याशिवाय, झारखंडच्या आसपास एक ट्रफ रेषा विकसित झाली आहे, ज्यामुळे बिहार, झारखंड आणि ओडिशा मध्ये काही ठिकाणी हलक्या पावसाची शक्यता आहे. याउलट, पश्चिम झारखंड आणि ओडिशा मध्ये उष्णतेची लाट अनुभण्यात येईल.
दक्षिण भारतात, तेलंगाणा आणि आंध्र प्रदेशच्या मध्य भागात उष्णतेची लाट अनुभण्यात येईल. तथापि, तेलंगाणा, रायलसीमा आणि आंतरिक तामिळनाडूच्या आसपास विस्तारलेली ट्रफ रेषेमुळे, दक्षिण आंतरिक कर्नाटक, केरळ आणि तामिळनाडू मध्ये काही ठिकाणी हलक्या ते मध्यम पावसाची शक्यता आहे. आंध्र प्रदेश मध्ये एक दोन ठिकाणी पाऊस पडण्याची अपेक्षा आहे.
मध्य भारतात, उत्तर पश्चिम दिशेने वारे वाहत आहे ज्यामुळे गुजरात, मध्य प्रदेश, महासराष्ट्र आणि छत्तीसगड मध्ये हवामान गरम आणि कोरडे राहील. विदर्भ, मध्य प्रदेश आणि उत्तर छत्तीसगड मध्ये काही ठिकाणी उष्णतेची लाट अनुभवण्यात येईल. तथापि, दक्षिण छत्तीसगडवर बनलेल्या चक्रवाती परिस्थितीमुळे, येथे हलका पाऊस पडण्याची अपेक्षा आहे.
Click the image below to see the live lightning and thunderstorm across India
उत्तर भारतात, जम्मू काश्मीरवर बनलेला पश्चिमी विक्षोभ पूर्व दिशेत पुढे जात आहे. त्याच्या प्रभावाने बनलेली चक्रवाती परिस्थिती पश्चिम राजस्थानवर उपस्थित आहे, ज्यामुळे जम्मू काश्मीर, हिमाचल प्रदेश आणि उत्तराखंडच्या पर्वतीय भागांवर हलक्या पावसाची शक्यता आहे. दरम्यान, पंजाब, हरियाणा, दिल्ली, पश्चिम उत्तर प्रदेश आणि राजस्थान मध्ये कोरड्या हवामानासह तापमानात वाढ दिसून येईल.
Any information taken from here should be credited to skymetweather.com
